Жаңа Конституцияның қабылдануы – Қазақстанның құқықтық, әлеуметтік және экономикалық дамуына жаңа серпін беретін стратегиялық қадам. Құжатта мемлекеттің негізгі даму басымдықтары нақты айқындалып, азаматтардың құқығы мен әл-ауқатын арттыруға бағытталған кешенді құқықтық негіз қалыптастырылды. Ең алдымен, Конституцияда адам құқықтары мен бостандықтарын қорғау тетіктері күшейтіліп, құқықтық мемлекет қағидаттары бекітілді. Бұл азаматтардың заң алдында теңдігін қамтамасыз етіп, құқық қолдану тәжірибесінің әділ әрі біркелкі жүзеге асуына мүмкіндік береді. Құқықтық айқындық пен заң үстемдігі мемлекеттік басқарудың тиімділігін арттырып, қоғамдағы сенімді нығайтады.
Құжатта адам капиталының дамуы стратегиялық басымдық ретінде белгіленуі – елдің ұзақ мерзімді бәсекеге қабілеттілігін қамтамасыз етудің маңызды факторы. Білім, ғылым, инновациялар мен технологияларды дамытуға конституциялық деңгейде басымдық берілуі экономиканың жаңа сапалық деңгейге көтерілуіне, еңбек өнімділігінің артуына және жастардың әлеуетін толық іске асыруға мүмкіндік береді.
Әлеуметтік әділеттілік, тең мүмкіндіктер және азаматтардың әл-ауқатын арттыру мәселелерінің конституциялық деңгейде бекітілуі әлеуметтік саясаттың тиімділігін арттыруға бағытталған. Бұл халықтың өмір сапасын жақсартуға, әлеуметтік теңсіздікті азайтуға және қоғамдағы тұрақтылықты қамтамасыз етуге құқықтық негіз қалыптастырады. Сонымен қатар Конституцияда мемлекеттік институттардың жауапкершілігі мен ашықтығы күшейтіліп, басқару жүйесінің институционалдық тұрақтылығы айқындалған. Бұл мемлекеттік шешім қабылдау процесінің сапасын арттырып, қоғам мен мемлекет арасындағы өзара сенім мен диалогты нығайтуға мүмкіндік береді.
Карахон СОЛИХОВ,
“Тәжіктердің республикалық этномәдени орталығы” республикалық қоғамдық бірлестігінің Алматы облысы бойынша филиалының төрағасы
