15 наурызға белгіленген жалпыхалықтық референдум – еліміздің алдағы даму бағытын айқындайтын маңызды саяси науқан. Ел өміріндегі елеулі шара Қасым-Жомарт Тоқаевтың бастамасымен жарияланды.
Осыған орай Ұйғыр ауданында құрылған коалиция өкілдері Абай атындағы мектеп-гимназиясы ұжымымен кездесті. Жиында Жаңа Конституция жобасының мазмұны таныстырылып, ұсынылған өзгерістердің қоғам өміріне ықпалы талқыланды.
Кездесу барысында әлеуметтік әділдік, мемлекеттік институттардың жауапкершілігі және азаматтық қоғамның рөлін күшейту мәселелеріне назар аударылды. Қатысушылар пікір алмасып, ұсыныстарын білдірді.
Ұйғыр аудандық коалицияның
баспасөз қызметі
