Алматы облысы әкімінің өкімімен Алматы облысы әкімі баспасөз қызметінің басшысы – баспасөз хатшысы болып Диас Ермекұлы Нұрақын тағайындалды.
Диас Ермекұлы 1987 жылы Алматы облысы Кеген ауданында дүниеге келген. 2004-2008 жылдары Әл-Фараби атындағы Қазақ ұлттық университеті журналистика факультетін тәмамдаған. 2008-2010 жылдары Т.Рысқұлов атындағы Қазақ экономикалық университеті экономика факультетінде білім алған.
Еңбек жолын 2006-2007 жылдары мемлекетаралық «МИР» телеарнасында аудармашы-редактор болып бастаған. 2007-2008 жылдары «КТК» телеарнасында «Репортер», «Алаң жұрт» бағдарламаларында редактор қызметін атқарды. 2008-2009 жылдары республикалық «Жас қазақ» газетінде арнаулы тілші болды. 2009-2015 жылдары «Жетінші арнаның» жаңалықтар қызметінде тілші болып еңбек етті. 2015-2016 жылдары «КТК» телеарнасы жаңалықтарының тілшісі, «Аптап» ақпараттық-сараптамалық бағдарламасының шығарушы-редакторы қызметтерін атқарды. 2016 жылдан бастап «КТК» телеарнасы жаңалықтар қызметінің аймақтардағы қосынының редакторы болып жұмыс істеді.
Бұқаралық ақпарат құралдары саласы бойынша Президент грантының иегері.
