Қазіргі кезеңде құқықтық жүйені жаңғырту және оны қоғамдық қатынастардың даму үрдістеріне бейімдеу – мемлекеттің орнықты дамуының маңызды алғышартының бірі. Осы тұрғыда биыл жаңа Конституция жобасы құқықтық реттеудің тұтастығын қамтамасыз етуге бағытталған жүйелі әрі кешенді құжат ретінде ұсынылып отыр.
Конституция жобасында мемлекеттің құқықтық негіздерін айқындайтын іргелі қағидаттар толық сақталған. Сонымен қатар конституциялық-құқықтық нормалардың айқындығы мен оларды практикалық тұрғыда қолдану мүмкіндігіне ерекше басымдық берілген. Бұл өз кезегінде құқықтық нормалардың біркелкі түсіндірілуіне және құқық қолдану тәжірибесінің тиімділігін арттыруға ықпал етеді.
Ұсынылған нормалар азаматтардың құқықтары мен бостандықтарын іске асырудың құқықтық кепілдіктерін нақтылауға, мемлекеттік институттардың қызметін құқықтық тұрғыдан жүйелеуге және олардың жауапкершілігін айқындауға мүмкіндік береді. Аталған тәсіл мемлекеттік басқару жүйесінің ашықтығы мен құқықтық тұрақтылығын қамтамасыз етуге бағытталған. Сонымен қатар Конституция жобасында заң үстемдігі, құқықтық жауапкершілік және тұрақтылық қағидаттары өзара сабақтастықта қамтылған. Бұл ұлттық құқықтық жүйенің дамуына берік негіз қалыптастырып, қоғамдық қатынастарды реттеудің тиімді тетіктерін нығайтады.
Жаңа Конституция жобасы құқықтық мемлекеттің институционалдық негіздерін одан әрі күшейтуге, қоғамдық келісімді сақтауға және елдің құқықтық дамуын қамтамасыз етуге бағытталған стратегиялық маңызы бар құжат ретінде бағаланады
Гамзе ГЕЙДАРОВ,
Іле аудандық күрд
этномәдени орталығының төрағасы
