Алатау қаласының әкімі Аркен Өтенов референдумда дауыс берді

Қазақстан Республикасының жаңа Конституциясының жобасы бойынша өтіп жатқан жалпыхалықтық референдум аясында Алатау қаласының әкімі Аркен Хамитұлы Өтенов азаматтық көзқарасын танытып, өз дауысын берді.
Қала басшысы арнайы белгіленген учаскеге барып, референдумға қатысу әрбір азаматтың ел болашағына бейжай қарамайтындығының көрінісі екенін атап өтті.
Бүгінде Алатау қаласындағы барлық дауыс беру учаскелері қалыпты режимде жұмыс істеп тұр. Тұрғындар таңғы уақыттан бастап белсенді түрде келіп, өздерінің конституциялық құқықтарын жүзеге асыруда.
Дауыс беру процесі заң талаптарына сәйкес ашық әрі ұйымдасқан түрде өтуде. Учаскелерде бақылаушылар бар, сондай-ақ егде жастағы азаматтар мен мүмкіндігі шектеулі адамдар үшін барлық қажетті жағдайлар жасалған.
Референдум — елдің болашағына қатысты маңызды шешім қабылдауға мүмкіндік беретін айтулы саяси науқан.