Қоғам өміріндегі маңызды сәттер әр адамға ерекше жауапкершілік жүктейді. Ел ертеңін айқындайтын мұндай кезеңде жас та болса, ел намысын қорғап жүрген өрендердің де үн қосуы – тәуелсіз елдің кемел келешегіне деген нық сенімнің айғағы. Әлемдік аренада мемлекетіміздің мерейін үстем етіп, чемпион атанған талантты боксшы қызымыз Толғанай Қасымхан да Нарынқолдағы № 763 референдум учаскесіне келіп, өз таңдауын жасады.
«Бүгін мен үшін ерекше күн болды. Біз рингте ел намысын қорғап, жеңіске жетуге тырысамыз. Ал бүгінгі дауыс беру – сол еліміздің болашағына деген жауапкершілікті сезіне білудің нақты көрінісі деп білемін. Біз – Тәуелсіз елдің жастарымыз. Сондықтан ел болашағына немқұрайды қарамай, осындай маңызды сәтте өз таңдауымызды жасауымыз керек. Мен әрқашан Отанымыздың Туы биікте желбірегенін қалаймын. Жаңа Заң аясындағы мемлекетіміз мықты болса, ел жастарының осындай армандарын асқақтата беретіні күмән туғызбайды», – дейді Толғанай.
Жұмабек Тәліпұлы
Райымбек ауданы
