Көшпелі көрме

«Ұлттық мәдениет» көрмесі аясында жылжымалы Есік мемлекеттік тарихи-мәдени қорығы музейінің қызметкерлері Талғар ауданындағы
№23 жалпы білім беретін орта мектебіне келіп, тарихи жәдігерлерден құралған көрме ұйымдастырды.
Көрме барысында оқушыларға сақ дәуіріне қатысты археологиялық құндылықтар, соның ішінде «Алтын адам» мұрасы және Есік қорғанынан табылған бұйымдар туралы жан-жақты түсіндіру жұмысы жүргізілді. Сонымен қатар «Алтын адам» жәдігеріне қатысты материалдар көрсетілді.
Іс-шараның мақсаты – оқушылардың тарихи танымын кеңейтіп, ұлттық құндылықтарға деген құрметін арттыру және мәдени мұраны насихаттау.
Кездесу барысында оқушылар тарихи құндылықтармен танысып, сұрақ-жауап алмасу арқылы өз білімдерін толықтырды. Көшпелі көрме оқушылардың ұлттық тарихқа деген қызығушылығын арттыруға және мәдени мұраны құрметтеуге бағытталды. Іс-шараға 1–6 сынып оқушылары қатысып, тарихи деректерге қанықты. Бұл көрме оларға ерекше әсер сыйлады.
Шынар Серғали,
№23 жалпы білім беретін орта мектебі директордың
тәрбие ісі жөніндегі орынбасары