«Маревен Фуд Тянь-Шань» ЖШС ұжымы референдумға белсенді қатысты

Республикалық референдум күні «Маревен Фуд Тянь-Шань» ұжымы жоғары азаматтық белсенділік танытып, референдум учаскесіне ұйымдасқан түрде барып, өз таңдауларын жасады. Компания қызметкерлері бұл күнді ел болашағы үшін маңызды кезең ретінде қабылдап, азаматтық борыштарын абыроймен орындады.
Ұжым мүшелері дауыс беру әр азаматтың конституциялық құқығы ғана емес, мемлекет тұрақтылығы мен дамуына қосылатын маңызды қадам екенін атап өтті. Әр қызметкер өз дауысының елдің гүлденуіне үлес қосатынын түсініп, белсенділік көрсетті.
«Маревен Фуд Тянь-Шань» басшылығы ұжымның ұйымшылдығы мен бірлігін жоғары бағалап, мұндай азаматтық ұстаным қоғамдағы сенімді нығайтып, тұрақтылықтың негізі болатынын атап өтті.