Өмірбай ақын өз таңдауын жасады

Жамбыл ауданының Ақсеңгір ауылдық округіне қарасты Көкдала ауылында тұратын ақын Өмірбай Өмірзақұлы өзі тіркелген осындағы №294 референдум учаскесіне отбасымен бірге келіп, дауыс берді. Ауылдың қадірменді қариясы биыл 84 жасқа аяқ басып отыр. Елдің бірлігі мен болашағына бей-жай қарамайтын ақсақал саяси науқанға қатысу арқылы өзінің азаматтық ұстанымын танытты.
Қазақстан Жазушылар одағының мүшесі Өмірбай Өмірзақ ұлы – қазақ әдебиетінің дамуына өзіндік үлесін қосқан жыраулық сарындағы ақын. Қарымды қаламгер ұлттың сөз өнерін дәріптеп, жалынды жырлары арқылы өлең мен ойдың өрісін кеңейтуге атсалысып келеді. Оны Ақсеңгір аймағындағы жұртшылық қатты құрметтейді. Аталық сөзімен ауыл жастарына рухани тәрбие беріп, үнемі ұрпаққа өнеге боларлық үлкен істің басы-қасынан табылады. Бүгінгі саяси шарадан да қалыс қалмай, көпшілікке батасын беріп, отбасымен бірге ел болашағы үшін таңдау жасағаны көпке үлгі.
Серік САТЫБАЛДИЕВ
Жамбыл аудан