Өнерпаздар дауыс берді

Алматы облысы Талғар ауданындағы №1010 референдум учаскесінде «Тұран» шығармашылық ансамблі дауыс берді.
Ансамбльде 30 өнерпаз бар. Олар ұлттық аспаптарда бірнеше шығарманы орындап, қазақ музыка мәдениетін насихаттады. Бұл шара ұлттық өнерді дәріптеп, азаматтық жауапкершіліктің маңызды екенін көрсетті. Әр қатысушы өз таңдауын жасап, борышын орындады. Олар әр адам өз таңдауы арқылы елдің болашағына үлес қосатынын айтты. Ансамбль мүшелері ерекше күнді есте қалдыру үшін естелік суретке түсті. Олардың дауыс беруге келуі этникалық қауымдастықтар мен мәдениет қызметкерлерінің белсенділігін көрсетті.
Айта кетейік, учаске заң талаптарына сай ұйымдастырылған. Комиссия мүшелері мен бақылаушылар тұрғындардың қауіпсіздігі мен еркін дауыс беруін қамтамасыз етті.