Еңбекшіқазақ ауданының мәдениет үйіндегі № 123 референдум учаскесінде “Алтын адам” дауыс берді.
“Алтын адам” болып киінген – Т.Молдағалиев атындағы аудандық мәдениет үйінің Жастар драма театрында актер, әрі режиссер Жарқын Барақбаев.
«Ел Тәуелсіздігінің символы болған Алтын адамның мекені – Еңбекшіқазақ ауданы. Бұл ауданымыз ғана емес, бүкіл еліміз үшін үлкен мақтаныш. Аудан тарихының сонау тереңде жатқанын, әрі мұнда ерте заманнан қолөнердің биік деңгейде дамығанын бар әлемге айғақтаған айрықша тарихи жәдігер. Сондықтан еліміз үшін маңызы ерекше осындай күнде өз дауысымды беруге Алтын адамның бейнесінде келдім және мұны азаматтық ұстанымымды білдірудің ерекше тәсілі деп білемін» – дейді Жарқын Мамырбекұлы.
Құралай МҰРАТҚЫЗЫ
Еңбекшіқазақ ауданы
