Ұйғыр ауданындағы барлығы 38 дауыс беру учаскесіндегі жұмыс қызу қарқынмен жүруде. Барлық учаскелердегі байқаушылар да жұмыс барысын назардан тыс қалдырмауда.
Аудан әкімі Бота Елеусізова да Шонжыдағы №927 дауыс беру учаскесіне барып, өз таңдауын жасады. «Бүгін еліміз үшін өте маңызды күн. Біз бүгінгі референдумда таңдау жасау арқылы – жарқын болашаққа қадам басатынымызды ұмытпауымыз керек. Осы елдің патриоты ретінде әр азамат елінде болып жатқан өзгерістерге бей-жай қарамауы тиіс. Сондықтан да бүгін ауданымыздың әрбір тұрғыны өз жауапкершілігін сезініп, таңдауын жасайтынына сенімдімін.
Ел Президентінің ашық қоғам, әділетті Қазақстан құру жолындағы әр бастамасын қолдаймыз. Осының нәтижесінде жаңа Конституцияны қабылдау халықтың таңдауына берілді. Бүгінгі референдум мемлекеттің ашықтығын арттырып, азаматтардың шешім қабылдау үдерісіне қатысуын кеңейтпек. Сол себепті мен де бүгін аудан әкімі ретінде ғана емес, осы елдің азаматы ретінде таңдау жасадым» – деп өз ойымен бөлісті.
Бүгінгі референдум барлық учаскелерде қалыпты жағдайда өтуде. Дауыс берушілерге барлық жағдай жасалған. Дауыс беру процесі ашық түрде жүргізілуде. Тұрғындар да өз белсенділіктерін танытып, бүгінгі саяси науқанға жауапкершілікпен қарап, өз ұстанымдары мен таңдауларын жасап жатқаны қуантты бізді.
Анар Дүйсенбайқызы
Ұйғыр ауданы
