Алғыс айту күні – барша
қазақстандықтар үшін ерекше мереке. Бұл күн туған-туысқа, достарға, ұстаздарға, әріптестерге алғыс білдірудің, адамгершілік пен бірліктің көрінісі болып саналады. Осыған орай Қонаев қаласында ерекше шара ұйымдастырылды.
Жергілікті атқарушы органдар мен қоғамдық ұйымдардың қызметкерлерімен бірлесіп, Қазақстан Республикасының Ұлттық ұланының 6654 әскери бөлімінің қатысуымен Қонаев қаласының Мәдениет үйінде мерекелік концерттік бағдарлама өткізілді. Іс-шараның басты мақсаты – қоғамдағы татулық пен өзара сыйластықты насихаттау, әскери қызметкерлер мен тұрғындардың арасындағы достық қарым-қатынасты нығайту.
Концерттік бағдарлама барысында әртүрлі мәдени нөмірлер қойылып, қатысушылардың мерекелік көңіл-күйін көтерді. Жеке құрамның қатысуы ерекше атап өтілді: 6654 әскери бөлімнің қызметкерлері өз өнерлерін көрсете отырып, мерекенің салтанатына үлес қосты. Сонымен қатар, шара барысында жергілікті тұрғындар мен әскери қызметкерлер бір-біріне жылы лебіздерін білдіріп, алғыс сөздерін жеткізді.
Іс-шара ұйымдастырушылары атап өткендей, Алғыс айту күні тек қана мереке емес, ол – халқымыздың дәстүрі мен мәдениетін сақтаудың, бірлік пен достықты насихаттаудың символы. Мұндай шаралар тұрғындар мен әскери бөлім қызметкерлері арасындағы байланысты нығайтып, қоғамда өзара түсіністік пен сыйластықты арттырады.
Шара соңында қатысушыларға алғыс хаттар мен естелік сыйлықтар табыс етілді. 6654 әскери бөлімнің жеке құрамы да арнайы дайындалған мерекелік дастарханға ие болып, туған күні немесе басқа маңызды оқиғаларды атап өту мүмкіндігіне қол жеткізді.
Алғыс айту күні – барша Қазақстан халқы үшін маңызды мереке болып табылады. Мұндай шаралар біздің қоғамымыздағы татулық пен достықты нығайтып, жастарға адамгершілік пен мәдениеттің үлгісін көрсетеді.
Қырғызбай Альбина Қайратқызы,
Бөлініс бастығы, кіші сержант
