Еліміздің қоғамдық-саяси өміріндегі маңызды оқиғалардың бірі – күні кеше ғана өткізілген жаңа Конституцияның жобасына қатысты жалпыхалықтық референдум болды. Бұл тарихи қадам мемлекет дамуының жаңа кезеңіне жол ашып, елдің құқықтық негізін жетілдіруге бағытталған маңызды бастама ретінде бағаланды.
Жаңа Конституцияның жобасы – қоғамдағы демократиялық қағидаларды нығайтуға, азаматтардың құқықтары мен бостандықтарын кеңейтуге, мемлекеттік басқару тетіктерін жетілдіруге бағытталғанын жақсы білеміз. Құжатта жер мен табиғи ресурстардың халықтың игілігіне қызмет етуі, кәсіпкерлікті дамыту, әлеуметтік әділеттілікті қамтамасыз ету секілді маңызды мәселелер қамтылғаны қолдауға тұрарлық. Бұл өзгерістер елдің экономикалық және әлеуметтік дамуына жаңа серпін беретіні анық.
Жалпы, бұл референдум ел бірлігін, халықтың ортақ мақсатқа деген сенімін көрсеткен маңызды тарихи сәт болды. Халықтың белсенді қатысуы мемлекет дамуының басты тірегі – бірлік пен ынтымақ екенін тағы бір мәрте дәлелдеді. Жаңа Конституцияның жобасы қабылданған жағдайда, ол еліміздің тұрақты дамуына, заң үстемдігін нығайтуға және жас ұрпақтың жарқын болашағына негіз қалайтынына сенімдімін.
Балжан ОМАРОВА
аудандық аналар кеңесінің төрағасы,
Райымбек ауданы
