Алматы облысында облыс әкімінің орынбасары Ғани Майлыбаевтың төрағалығымен мүгедектігі бар адамдарды әлеуметтік қорғау мәселелері жөніндегіүйлестіру кеңесінің отырысы өтті.
Отырыс барысында халықтың аз қозғалатын топтары үшін әлеуметтік және көлік инфрақұрылымы нысандарын бейімдеу, инклюзивті білім беруді енгізудің мәселелері мен перспективалары, сондай-ақ мүмкіндігі шектеулі адамдар үшін мәдениет мекемелері мен мәдени-көпшілік іс-шаралардың қолжетімділігі және басқа да өзекті мәселелер қаралды.
Отырысқа Алматы облысы бойынша мүгедектігібар адамдарды әлеуметтік қорғау мәселелері жөніндегі үйлестіру кеңесінің мүшелері, облыстық басқармалар басшылары, аудан және қала әкімдерінің орынбасарлары, жұмыспен қамту және әлеуметтік бағдарламалар бөлімдерінің басшылары, әкімдердің мүгедектік мәселелері жөніндегі штаттан тыс кеңесшілері, үкіметтік емес ұйымдардың өкілдері, сондай-ақ арнаулы әлеуметтік қызмет көрсету орталықтарының басшылары қатысты.
Алматы облысы әкімінің орынбасары Ғани Майлыбаев: — Мүмкіндігі шектеулі азаматтардың құқығы толық әрі жүйелі түрде қорғалуы тиіс. Осыған байланысты арнайы жұмыс тобы құрылып, облыс аумағындағы әрбір проблемалық бағыт бойынша жұмыстар жүргізіледі. Әсіресе, әлеуметтік және көлік инфрақұрылымын бейімдеу ісін жеделдету маңызды. Әрбір нысан – мейлі ол мемлекеттік мекеме, білім беру ұйымы немесе мәдениет ошағы болсын ерекше қажеттіліктері бар азаматтар үшін толық қолжетімді болуы тиіс. Бұл бағытта формалды есеп емес, нақты нәтиже қажет. Жалпы, бүгінгі отырыста көтерілген ұсыныстар мен бастамалар қағаз жүзінде қалып қоймай, нақты іске асырылуы керек.
Отырыс қорытындысы бойынша мемлекеттік органдардың өкілдеріне қаралған мәселелербойынша тиісті тапсырмалар мен ұсынымдар берілді.
