Құрылтай депутаттарының сайлау күні Іле ауданындағы №351 сайлау учаскесіне нағыз Ақшақар келді.
Карина сайлау учаскесіне көпшілікке белгілі ертегі кейіпкерінің бейнесінде келді. Ерекше киімі бірден айналасындағылардың назарын аударып, бұл күнге ертегідегідей ерекше көңіл-күй сыйлады.
«Бұл жолы Ақшақар ханзаданы емес, өз таңдауын таңдады», – деп Карина бала кезден таныс кейіпкердің бейнесін өзінше жеткізді.
Оның сайлау учаскесіне келуі №351 учаскедегі күннің ең ерекше сәттерінің біріне айналды. Бұл маңызды қоғамдық шараны шығармашылықпен және көтеріңкі көңіл-күймен қарсы алуға болатынын көрсетті.