Қоғамдық қауіпсіздік – әрбір азаматтың өмірі мен денсаулығын, құқықтары мен бостандықтарын қорғауға бағытталған маңызды бағыттардың бірі. Бұл міндетті тек құқық қорғау органдары ғана емес, бүкіл қоғам болып жүзеге асырған кезде ғана оң нәтиже береді. Сондықтан бүгінгі таңда мемлекет пен қоғам арасындағы өзара серіктестікті нығайтуға ерекше мән берілуде.
Қауіпсіз қоғам қалыптастыру үшін тұрғындардың құқықтық сауаттылығын арттыру, қоғамдық тәртіпке бейжай қарамау және заң талаптарын сақтау маңызды. Күдікті жағдайлар туралы дер кезінде хабарлау, қоғамдық орындардағы тәртіпті сақтау, құқық бұзушылықтың алдын алуға атсалысу – әр азаматтың азаматтық жауапкершілігінің көрінісі.
Мемлекет пен халықтың бірлескен іс-қимылы ғана қоғамдық қауіпсіздікті нығайтып, қоғамдағы тұрақтылықты қамтамасыз етеді. Өйткені қауіпсіздік – әркімнің жеке мәселесі емес, баршаға ортақ құндылық.
Тоғжан ЖОЛДЫҒАЛИ