Жастардың қауіпсіздігі – қоғамның басты міндеттерінің бірі. Есірткіге тәуелділік адамның денсаулығына, оқуына, жұмысына және жақындарымен қарым-қатынасына кері әсер етуі мүмкін. Сондықтан жасөспірімдерге зиянды әдеттердің салдарын түсіндіру жұмыстары жүйелі жүргізілуі қажет. Ата-аналар баласының кіммен араласатынына және бос уақытын қалай өткізетініне назар аударғаны жөн. Мектептер мен колледждерде құқық қорғау және медицина мамандарымен кездесулер өткізу де маңызды. Спорттық және шығармашылық үйірмелер жастардың уақытын пайдалы өткізуіне мүмкіндік береді. Әр жас өзінің болашағына жауапкершілікпен қарауы керек. Есірткісіз ұрпақ – қауіпсіз қоғамның негізі.
Айжарық КӨПТІЛЕУОВ