Қоғам қауіпсіздігі тек құқық қорғау органдарының жұмысына байланысты емес. Әр азамат қоғамдық тәртіпті сақтауға өз үлесін қосуы қажет. Көшеде құқық бұзушылыққа куә болған жағдайда немқұрайлы қарамау маңызды. Қауіпті жағдай байқалса, тиісті органдарға дер кезінде хабарлаған жөн. Қазіргі таңда азаматтардың полицияға ақпарат беру мүмкіндіктерін кеңейтетін цифрлық құралдар да қолданылады. Мысалы, «Заң мен Тәртіп» сервисі арқылы құқықбұзушылық туралы хабарлама жіберуге болады. Қауіпсіздікке бейжай қарамайтын қоғам ғана тұрақты орта қалыптастыра алады.
