Цифрлық технология өміріміздің ажырамас бөлігіне айналды.
Алайда интернет мүмкіндіктерімен бірге түрлі қауіптер де көбейді.
Әсіресе алаяқтар азаматтарды алдаудың жаңа тәсілдерін қолдануда.
Олар банк қызметкері, полиция немесе басқа мекеме өкілі ретінде қоңырау шалуы мүмкін. Кейде жалған сілтемелер арқылы жеке мәліметтерді алуға тырысады. Сондықтан бейтаныс адамға құпия ақпарат беруге болмайды.
Банк картасының деректері мен SMS арқылы келген кодты ешкімге айтпау қажет. Күмәнді сілтемелерді ашудан да сақ болған жөн.
Интернеттегі ақпараттың барлығына бірдей сенуге болмайды.
Алаяқтықтан қорғанудың ең тиімді жолдарының бірі – қырағылық.
Күдікті жағдайға тап болған азамат тиісті органдарға жүгінуі керек.
Балалар мен қарт адамдарға интернет қауіпсіздігі туралы түсіндіру жұмыстары да маңызды. Құқықтық сауаттылық цифрлық ортада да қажет.
Сақтық таныту арқылы көптеген құқықбұзушылықтың алдын алуға болады.
Интернеттегі қауіпсіздік әр адамның өзінен басталады.
Құралбек СӘБИТҰЛЫ