Табиғатты қорғау – бүгінгі ұрпақтың ғана емес, келешек алдындағы жауапкершілігі. «Таза Қазақстан» бағдарламасы қоршаған ортаға ұқыпты қарау мәдениетін қалыптастыруға бағытталған. Су көздерін ластамау, орман-тоғайларға зиян келтірмеу және қоқысты белгіленбеген жерге тастамау – табиғатты қорғаудың қарапайым жолдары. Әсіресе демалыс кезінде табиғи аумақтардың тазалығын сақтау маңызды. Табиғатқа келтірілген зиянның салдары ұзақ уақыт бойы сезілуі мүмкін. Сондықтан әр адам өзінің күнделікті әрекеті арқылы қоршаған ортаға қамқорлық жасай алады. Табиғатты бүгін қорғасақ, оның игілігін келер ұрпақ та көреді.
