Қоғамның тазалығы мен көркеюі тұрғындардың белсенділігіне тікелей байланысты. Ортақ іске жұмылған жұрттың еңбегі елді мекеннің ажарын арттырып, адамдардың бір-біріне деген жауапкершілігін күшейтеді.
«Таза Қазақстан» аясындағы жұмыстардың мәні де осында. Тазалық шараларына қатысу арқылы азаматтар өз ауласы мен көшесін ғана емес, туған жерінің жалпы келбетін жақсартуға үлес қосады.
Мұндай бастамалар адамдарды бір мақсатқа біріктіреді. Үлкендердің өнегесі балаларға әсер етсе, жастардың белсенділігі қоғамның экологиялық мәдениетін қалыптастыруға ықпал етеді.
Таза орта – баршаға ортақ қажеттілік. Сондықтан айналамыздың таза әрі көрікті болуы үшін әрқайсымыз өзімізден бастап, қарапайым іске жауапкершілікпен қарағанымыз жөн.
Алтынай СЕЙІТКЕН