Тазалық туралы сөз болғанда, ең алдымен ортақ жауапкершілік мәселесі ойға келеді. Себебі айналаның таза болуы тек белгілі бір мекемелердің жұмысына емес, әр азаматтың күнделікті әрекетіне байланысты.
«Таза Қазақстан» бастамасы қоғамның осы бағыттағы белсенділігін арттыруға мүмкіндік беріп отыр. Аула, көше, саябақ немесе қоғамдық орын болсын, кез келген жерде тазалық талаптарын сақтау – мәдениетті қоғамның маңызды белгісі.
Қоқысты арнайы жәшікке тастау, қоғамдық мүлікке ұқыпты қарау, табиғи аумақтарды бүлдірмеу – орындауға қиын емес қарапайым талаптар. Алайда осындай шағын әрекеттер көпшіліктің дағдысына айналғанда, оның нәтижесі де айқын көрінеді.
Тазалықты сақтау – біреуге міндет арту емес, өзің тұратын ортаға деген құрметті көрсету.
Алтынай СЕЙІТКЕН