Туған өлкенің табиғатын қорғау мен елді мекеннің көркеюіне үлес қосу – әр азаматтың қолынан келетін игі іс. Ол үшін міндетті түрде ауқымды жұмыс атқару қажет емес. Кейде қарапайым әрекеттің өзі үлкен нәтижеге бастайды.
«Таза Қазақстан» бастамасының негізгі бағыттарының бірі – қоршаған ортаға жауапкершілікпен қарау мәдениетін орнықтыру. Осы ретте сенбіліктер мен абаттандыру жұмыстары ғана емес, күнделікті тазалықты сақтау да маңызды.
Өз ауласын таза ұстаған адам көшесіне де жанашырлықпен қарайды. Ал көшенің тазалығы бүкіл елді мекеннің келбетіне әсер етеді. Осылайша әр адамның шағын ісі ортақ игілікке айналады.
Туған жерді сүю – оның табиғатына қамқорлық жасаудан, тазалығын сақтаудан және көркеюіне үлес қосудан басталады.
Сая ЕРБОЛАТҚЫЗЫ