Заң мен тәртіп қағидаты қоғамдағы тұрақтылық пен қауіпсіздіктің маңызды негіздерінің бірі ретінде белгіленіп отыр. Жаңа Конституцияда заң мен тәртіптің үстемдігін қамтамасыз ету мемлекеттің негізгі қағидаттарының қатарында көрсетілген. Бұл талап азаматтардың құқықтары мен бостандықтарын қорғаумен тығыз байланысты. Қоғамда әр адам заңды сақтап, өзгенің құқығына құрметпен қарауы қажет. Тәртіпті сақтау отбасынан, мектептен және күнделікті қарым-қатынастан басталады. Мемлекеттік органдардың жұмысы мен азаматтардың жауапкершілігі қатар жүргенде құқықтық мәдениет нығаяды. Сондықтан заң мен тәртіп – баршаға ортақ жауапкершілік.
