Құқықтық мәдениет – өркениетті қоғамның маңызды белгілерінің бірі. Оның қалыптасуы Конституцияда бекітілген құқықтар мен міндеттерді түсінуден басталады. Әрбір азамат заң талаптарын сақтап, қоғамдық тәртіпке жауапкершілікпен қарауы керек. Өз құқығын білетін адам әділетсіздікке бейжай қарамай, мәселені заң аясында шешуге ұмтылады. Сонымен қатар азаматтардың өзара сыйластығы мен заңға құрметі қоғамдық қауіпсіздікті нығайтады. Жас ұрпаққа құқықтық тәрбие беру де маңызды міндеттердің қатарында. Отбасында, мектепте және қоғамда заңды құрметтеу қағидаттарын түсіндіру арқылы жауапты азамат қалыптастыруға болады. Конституцияны білу және оның қағидаларын күнделікті өмірде басшылыққа алу – құқықтық мәдениеттің негізі.
Айжарық КӨПТІЛЕУОВ