Балалар үлкендердің айтқанынан гөрі, күнделікті іс-әрекетіне көбірек назар аударады. Егер ата-ана заңды сақтап, өзгелерді құрметтеп, салауатты өмір салтын ұстанса, бұл балаға жақсы үлгі болады. Керісінше, ережелерді үнемі бұзу немесе зиянды әдеттерді қалыпты көрсету баланың көзқарасына әсер етуі мүмкін.
Құқықтық тәрбие отбасындағы қарапайым әрекеттерден басталады. Жол ережесін сақтау, қоғамдық орындарды таза ұстау, өзгенің мүлкіне құрметпен қарау және қиындықты бейбіт жолмен шешу – балаға берілетін маңызды сабақтар.
Мектеп пен отбасы бірлесе жұмыс істегенде балалардың құқықтық сауаттылығын арттыруға мүмкіндік көбейеді. Оларға заң талаптарын түсіндіріп қана қоймай, оны күнделікті өмірде орындаудың үлгісін көрсету қажет.
Жауапты ұрпақ тәрбиелеу үлкендердің өз әрекетіне жауап беруінен басталады.
ҚҰРАЛБЕК СӘБИТОВ