Отбасы – баланың мінез-құлқы мен өмірлік ұстанымы қалыптасатын алғашқы орта. Сондықтан есірткінің алдын алуда ата-ананың тәрбиесі мен қолдауы ерекше рөл атқарады. Баламен ашық сөйлесу, оның мәселелерін тыңдау және сенімді қарым-қатынас орнату көптеген қауіптің алдын алуға көмектеседі. Жасөспірім есірткінің зияны туралы шынайы ақпарат алып, қиын жағдайда кімнен көмек сұрауға болатынын білуі керек. Мектеп пен отбасының өзара байланысы да профилактикалық жұмыстың нәтижелілігін арттырады. Баланың спортқа, өнерге және білімге қызығушылығын қолдау оның бос уақытын пайдалы өткізуіне мүмкіндік береді. Егер мінез-құлқында алаңдатарлық өзгерістер байқалса, оны жазғырудан бұрын себебін түсінуге тырысқан жөн. Салауатты ұрпақ тәрбиелеу – отбасы мен қоғамның ортақ міндеті.
Құралбек СӘБИТОВ