Адам өз құқықтары мен міндеттерін жақсы білгенде, түрлі құқықбұзушылықтардың алдын алуға мүмкіндік алады. Құқықтық сауаттылық азаматтарға заңсыз әрекеттерді ажыратуға және қиын жағдайда дұрыс шешім қабылдауға көмектеседі. Әсіресе жастарға қоғамдық тәртіп, жеке мүлікті қорғау және интернеттегі қауіпсіздік ережелерін түсіндіру маңызды. Құқықтық тақырыптардағы кездесулер мен ақпараттық науқандар тұрғындардың заңға деген құрметін арттырады. Әр азамат өзгенің ар-намысына, жеке өміріне және мүлкіне қол сұқпауы керек. Даулы жағдайларды күш қолдану арқылы емес, заңды жолмен шешуге ұмтылған жөн. Мемлекеттік органдардың жұмысы мен азаматтардың белсенділігі өзара ұштасқанда, алдын алу шараларының тиімділігі артады. Заңды білу және оны сақтау – қауіпсіз қоғамның берік негізі.
Құралбек СӘБИТОВ