Жол қозғалысы ережесін сақтау – жүргізушінің ғана емес, жаяу жүргіншінің де міндеті. Көлік тізгініндегі бір сәттік немқұрайлылық немесе жаяу жүргіншінің жолды белгіленбеген жерден кесіп өтуі ауыр салдарға әкелуі мүмкін.
Жолдағы қауіпсіздік ең алдымен тәртіптен басталады. Жылдамдықты асырмау, көлік жүргізу кезінде телефонға алаңдамау, жаяу жүргіншілерге жол беру және жол белгілеріне бағыну – қарапайым болғанымен, аса маңызды талаптар.
Ата-аналардың да балаларға жол ережесін ерте жастан үйретуі қажет. Себебі қауіпсіздік мәдениеті бір күнде қалыптаспайды. Ол күнделікті әдет пен жауапкершіліктен құралады.
Жол ережесін сақтау – айыппұлдан қорқу емес, адам өміріне деген құрмет.
Тоғжан Есжанова