Перейти к содержимому
Басты бет / Барлық жаңалықтар / Келер ұрпаққа – кемел мемлекет аманаты

Келер ұрпаққа – кемел мемлекет аманаты

110 қаралым

Ұлттық қор – елдің бүгінгі экономикалық тұрақтылығының ғана емес, келешек ұрпақтың жарқын болашағының да кепілі. Мемлекет байлығын тиімді басқару, оны еселеу және халық игілігіне бағыттау – стратегиялық маңызы зор міндет. Алайда ұлттың келешегіне қалдыратын мұрасы тек қаржылық қордағы қаражатпен өлшенбеуі керек. Ең бастысы – дамыған экономикасы, заманауи инфрақұрылымы, сапалы білімі мен қолжетімді медицинасы қалыптасқан, әр азаматына мүмкіндік ұсынатын қуатты мемлекет құру.

Президент атап өткендей, болашақ алдындағы тарихи жауапкершілік – бүгінгі шешімдердің сапасына тікелей байланысты. Сондықтан Ұлттық қордың мүмкіндіктерін ұтымды пайдаланып, адам капиталын дамытуға, жаңа жұмыс орындарын ашуға, өндірісті өркендетуге және азаматтардың тұрмыс сапасын арттыруға басымдық беру қажет.

Бүгінгі ұрпақтың міндеті – бар байлықты тұтыну емес, оны еселеп, елдің ұзақ мерзімді дамуына негіз қалау. Өйткені келер ұрпаққа қалатын ең құнды мұра – есепшоттағы қаражат қана емес, мүмкіндігі мол, бәсекеге қабілетті, өркениетті әрі тұрақты мемлекет. Бұл – ел болашағы үшін ортақ жауапкершілік.

Ақерке БИЖАН

Райымбек ауданы

↑