Өңірде республикалық референдумның әділ өтуін қадағалау мақсатында AMANAT партиясының 1230 партиялық байқаушысы жұмыс істейді.
«Біздің «AMANAT» партиясының байқаушылары бүгін таңғы 6:40-тан бастап референдум учаскелерінде белсенді жұмыс істеп жатыр. Барлығы тіркелген. Олар учаскелер мен бюллетень пакеттерінің ашылуына куә болды. Әр өкіліміз референдумның тәртібі мен заңдарын терең меңгерген. Қазіргі уақытта заң бұзушылықтар анықталған жоқ», – дейді «AMANAT» партиясы Алматы облыстық филиалының атқарушы хатшысы Ерлан Жакупов.
Айта кету керек, Алматы облысында 643 референдум учаскесі жұмыс істейді, онда 994 мыңнан астам сайлаушы тіркелген.
Референдумның ашықтығы мен әділдігін қамтамасыз ету үшін партиялық байқаушылар жауапкершілікпен өз міндеттерін атқаруда.
