Кеген ауылындағы Кеңес Нұрпейісұлы атындағы орта мектепте орналасқан №557 референдум учаскесінде дауыс берушілердің қатары қалың. Әркім өз таңдауын жасап, дауыс жәшігіне дауыстарын салуда.
Жұмыс жайының жай-жапсарын білмекке №557 Референдум учаскесінің төрайымы Жаңабатырова Гүлнара Жанәбілқызын сөзге тарттық.
– Учаске де 2132 сайлаушы бар. Қазіргі уақытта халықтың дауыс беруі өте белсенді жүріп жатыр. Комиссия мүшелері алты адам, төраға бар, орынбасары және хатшы. Жалпы тоғыз адам жұмыс атқарудамыз. «Аманат» және «Ел дауысы» партиясынан байқаушыларымызда келіп отыр,-деген төрайым бүгінгі референдумның маңыздылығына тоқталды.
Аршын Нұрбақыт, ауыл тұрғыны:
– Бүгінгі таңда Қазақстандағы ең үлкен саяси науқан референдумға өз таңдауымды жасау үшін келдім. Бізде саяси науқанның барлығына халық салғырт қарайды. Негізі ол дұрыс емес деп ойлаймын, белсенді болу керек. Таңдау құқы әркімнің өзінде, сондықтан өз таңдауымды білдірдім. Барлықтарыңызды өз таңдауларыңызды білдіруге шақырамын.
Айта кетейік, №557 референдум учаскесінде дауыс беру кешкі сағат 20.00-де аяқталады.
Дәурен ӘБУТӘЛІПОВ
Кеген ауданы
