Ақтасты орта мектебінде орналасқан №563 дауыс беру учаскесінде референдум таңғы 07:00- де Қазақстанның Гимні орындалып ашылды.
Аталған учаскелік сайлау комиссияның төрағасы Қымбат Қамбарбекова дауыс беру тәртібімен түсіндірді. Учаскеде дауыс беру талаптарға сай жабдықталып, бюллетеньдермен қамтылған. Сондай-ақ, мүгедектігі бар азаматтарға қолайлы жағдайлар жасалған. Үйден дауыс беруге өтініш қалдырған азаматтар үшін тасымалданатын жәшіктер дайын тұр. Бұл сайлау учаскесі бойынша 269 сайлаушы тіркелген.
Ал, мұнда әзірге үйден дауыс беруге үш адам өтініш білдірген.
Бірінші болып дауыс ерген ауыл ақсақалы Мәкен Сембаевпен қарт ұстаз Асия Шаршеева сөз алып, баршаны дауыс беруге шақырды.
Референдум комиссиясының атынан арнайы сыйлықтар табыс етілді.
«Аманат» партиясынан, «Дауыс» қоғамдық ұйымынан бақылаушылар келді.
Дәурен ӘБУТӘЛІПОВ
Кеген ауданы
