19 наурызда Астанада Қазақстан президенті Қасым-Жомарт Тоқаевтың төрағалығымен елдің әлеуметтік-экономикалық даму мәселелеріне арналған жиын өтеді.
Ақорда баспасөз қызметінің хабарлауынша, жиынға Үкімет басшысы мен мүшелері, Парламенттің қос палатасының спикерлері, Президентке есеп беретін мемлекеттік органдардың басшылары, Астана, Алматы, Шымкент қалаларының және облыстар мен аудандардың әкімдері, Парламент Сенаты мен Мәжілісіндегі фракциялар мен комитеттердің жетекшілері, облыстық және аудандық мәслихаттардың төрағалары қатысады.
