Бұл туралы аудан тұрғындарымен кездесуде Алматы облысының әкімі Марат Сұлтанғазиев айтты.
«Аудан жеміс-жидек дақылдары мен жүзім өсіру бойынша облыс көлемінде 2-орында, олардың алқабы 4 мың гектарға немесе облыс көлемінің 22,2 пайызына жеткен. Оның ішінде аудан өрік өсіру бойынша облыста 1-орында тұр. Алайда, ауа-райының қолайсыздығынан бақтардағы жеміс-жидек дақылдарының 98%-ын үсік шалды, осыған байланысты ыл биөнім болмайды деп отырмыз», – деді Марат Сұлтанғазиев.
Өңір басшысы бұл мәселеге байланысты әкімдік тарапынан аграршылардың шығындарын өтеу үшін ауыл шаруашылығы саласында сақтандыру институтын дамыту қажет екенін айтты. Сондай-ақ Марат Сұлтанғазиев инвесторларды тарта отырып, жеміс-жидек өңдейтін өндірістер ашуды жолға қою қажеттігін де сөз етті.
Айта кетейік, ауданда жемістерді өңдеумен ірі өндіруші – «Шонжы Агро» ЖШС айналысады, ол 500 гектар жерде өрік, шабдалы, қара өрік және шие өсіреді.
Alatau News
