Бүгін Алматы облысының әкімі Марат Сұлтанғазиев Талғар ауданының тұрғындарымен кездесті. Кездесу барысында ауданға инвестиция тарту мәселесі де айтылды.
«Инвестиция тарту бойынша аудан 15,3% үлесімен үшінші орында. Бірінші тоқсанда аудан экономикасына тартылған инвестиция да өсімді көрсетіп, 14,4 млрд теңгеге жетті», – деді аймақ басшысы.
Марат Сұлтанғазиевтің сөзінше, ауданның инвестициялық қоржынында 482 млрд. теңгеге 23 жоба бар.
Олардың ірілері:
– «Oi-Qaragai» курортын дамыту және кеңейту (252,2 млрд. теңге, 1200 жұмыс орны);
– «ВанКан Холдинг Групп» керамикалық плиткалар шығаратын зауыт салу (95 млрд. теңге, 1000 жұмыс орны);
– қуатты жылына 1,4 млн тонна «ТехноНИКОЛЬ – Орталық Азия» энергия үнемдейтін жылу оқшаулағыш материалдар шығаратын зауыт салу (43,9 млрд.теңге, 1000 жұмыс орны).
«Биыл 72,3 млрд. теңгеге 686 жұмыс орнын құратын 11 жобаны іске қосу жоспарланып отыр. Бірақ, біз үшін қайта өңдеу кәсіпорындарын одан әрі дамыту өте маңызды», – деді Марат Сұлтанғазиев.
Alatau News
