Күнделікті тәжірибеде Қонаев қалалық көпсалалы ауруханасының анестезиология және жансақтау бөлімшесі ауыр науқастарға сапалы және қауіпсіз мейірбикелік күтімді қамтамасыз етуге көп көңіл бөледі. Соның бірі – анафилактикалық шок сияқты жедел жағдайлар. Оларға бөлімше ұжымы әркез дайын: аллерген енгізілген жерде жылдам қатты ауырсыну, қышу, ісіну, қызару пайда болады, олар дененің үлкен бөлігіне таралады. Бронхоспазм тұншығуды тудырады. Аллергенді деммен жұту немесе жұтқанда тыныс алу қиын болады, ауыз қуысы мен көмейдің тез ісінуі дамиды. Жүрек айну, құсу, іштің ауыруы мүмкін және анафилактикалық шоктың басты белгісі – қан қысымының күрт төмендеуі. Бұл әлсіздік, бозару, жиі тыныс алу, есінен тану, коллапсты тудырады. Анафилаксия сияқты шұғыл жағдай дереу емді талап етеді, сондықтан зертханалық немесе аспаптық зерттеулер туралы сөз жоқ. Аллергеннің енгізілген жерінде күрт бозару, әлсіздік, дірілдеген жиі тыныс алу, ауырсыну және қышу, қызару және ісіну анафилактикалық шокқа күдіктенуге жеткілікті негіздер болып табылады және шұғыл медициналық көмекті қажет етеді. Анафилактикалық шоктағы медбикенің іс – қимыл алгоритмі дәрі-дәрмекті алдымен көктамыр ішіне, содан кейін бұлшықет ішіне, содан кейін ғана ауызша енгізуі. Мейірбике уақытылы кезеңде жоғары кәсіби деңгейде белгілі бір міндеттер шеңберін өз бетінше орындай алатын білікті қызметкер болып табылады. Мейірбике қызмтекерлеріне науқастардың жағдайын бақылау және оларға күтім жасау, сондай-ақ емдеуші дәрігердің тағайындауларын орындау фнкциялары жүктелген.
Молдашева Аманкүл Қуанышбайқызы
Қонаев қалалық көпсалалы ауруханасының жансақтау бөлімшесінің мейірбикесі
