Қазақстандықтарды әлеуметтік қызметтер порталы арқылы тапсырыс беру кезінде сақ болуға шақырамыз.
2021 жылдан бастап Қазақстанда aleumet.egov.kz әлеуметтік қызметтер порталы жұмыс істейді. Аталған портал арқылы азаматтар оңалтуға қажетті тауарларды өз бетінше таңдап, сатып ала алады, сондай-ақ қызметтерді тікелей жеткізушілерден алуға мүмкіндік береді.
Портал мүгедектігі бар адамдарды жеке абилитациялау және оңалту бағдарламасына (ЖАОБ) сәйкес техникалық құралдармен, тауарлармен және қызметтермен қамтамасыз етуге арналған. Қызметтерге қол жеткізу psubeta.enbek.kz платформасы арқылы да жүзеге асырылады. Бұдан бөлек, соңғы уақытта жекелеген жеткізушілер тарапынан бей-берекет әрекеттердің жиілегені байқалады. Атап айтқанда, әлеуметтік қызметтер порталы арқылы техникалық оңалту құралдары мен қызметтеріне тапсырыстар белгіленген талаптарды бұза отырып немесе алаяқтық жолмен рәсімделген жағдайлар тіркеліп жатыр. Осыған байланысты мамандар азаматтарды әлеуметтік қызметтер порталы арқылы тапсырыс беру кезінде сақтық шараларын ұстануға кеңес береді.
Таңат ЖЕКСЕНБАЕВ,
ҚР ЕжХӘҚМ Халықты әлеуметтік қорғау саласындағы реттеу және бақылау комитеті Алматы облысы бойынша департаментінің мемлекеттік әлеуметтік қорғау инспекторы
