2025 жылғы 19 желтоқсанда Алатау қаласы әкімдігі мен «Отбасын қолдау орталығының» ұйымдастыруымен №4 орта мектепте әлеуметтік тұрғыдан осал отбасылардан шыққан балаларға арналған «Сиқырлы қыс әлемі» атты жаңа жылдық шырша мерекесі өтті.
Іс-шараға 60 бала қатысып, оларды ертегі кейіпкерлері мен мерекелік көңіл күй қарсы алды. Балалар Аяз ата мен Ақшақардың бастауымен сиқырлы қыс әлеміне саяхат жасап, ән айтып, би билеп, түрлі қызықты ойындарға белсене қатысты. Шара барысында балалардың жүзінен қуаныш пен шаттық сезімі айқын байқалды.
Мерекелік бағдарлама соңында барлық балаға жаңа жылдық тәтті сыйлықтар табысталып, ерекше әсер мен жарқын естеліктер сыйлады.
Аталған іс-шараның басты мақсаты – балаларды қуанышқа бөлеу, оларға мейірім мен қамқорлық көрсету, сондай-ақ қоғамға бейімделуіне қолдау білдіру.
Осындай игі бастамалар балалар үшін мерекелік шаттық қана емес, сонымен қатар әлеуметтік қолдау мен үміттің жарқын көрінісі болды.
Алатау қаласының отбасын қолдау орталығы
