«Әділетті және Прогрессивті Қазақстанның Халықтық Конституциясы үшін!» жалпыұлттық коалициясының мүшелері Талғар ауданындағы Талғар Политехникалық колледж ұжымымен кездесу өткізді.
Жиында жаңа Конституция жобасындағы табиғи ресурстар мен жерге қатысты норма түсіндірілді. Атап айтқанда, 8-баптың 3-тармағына сәйкес жер және оның қойнауы, су көздері, өсімдіктер мен жануарлар дүниесі, өзге де табиғи ресурстар халыққа тиесілі екені атап өтілді.
Коалиция мүшесі Сулейменов Айдын бұл норманың стратегиялық маңызын кеңінен түсіндірді.
«Жер мен табиғи ресурстардың халыққа тиесілі екені – тек саяси декларация емес, конституциялық деңгейдегі нақты құқықтық қағида. Бұл – ұлттық байлықтың ел мүддесіне қызмет етуінің кепілі. Білім беру саласы үшін де бұл норма маңызды, өйткені мемлекет ресурстары ең алдымен қоғамдық игілікке бағытталуы тиіс», – деді ол.
Ұжым өкілдері пікір алмасып, сұрақтарына жауап алды.
