Т.Молдағалиев атындағы мәдениет үйінде орналасқан №123 референдум учаскесіне алғашқылардың бірі болып, 82 жастағы Зүбайда Асанова келді.
Зүбайда Көпбайқызы – «Алтын адам» әжелер ансамблінің мүшесі. 1992 жылы аталған ансамбльді құрушылардың бірі. Содан бері әжелермен бірге ән салып, ауданның қоғамдық-мәдени өміріне белсенді араласып келе жатқан әжей бүгінгі саяси науқанда да белсенділік танытты.
«Бүгін – ел үшін өте маңызды күн. Өйткені жаңа Ата заң қабылданғалы жатыр. Жаңа Конституция ел тыныштығы, қоғам берекесі үшін қызмет етіп, болашағымыз – жастарымыздың өмірі жарқын, бейбіт болсын. Елімізді Құдай бәле-жаладан, соғыс өртінен сақтағай, аспанымыз әрдайым ашық, бүкіл әлемде бейбітшілік болсын! Жаңа Конституция еліміздің өсіп-өркендеуіне жол ашсын!» – дейді Зүбайда Көпбайқызы.
Құралай Мұратқызы,
Еңбекшіқазақ ауданы
