Алматы облысындағы референдум учаскелерінің бірінде болған ерекше оқиға дауыс берушілердің назарын аудартты. Өңір тұрғыны Дарын Адай референдумға қазақтың ұлттық шапанын киген робот-досымен бірге келді. Тұрғындар роботты қызықтап, суретке түсті.
– Қазіргі таңда технология күннен-күнге дамып келеді, тіпті өміріміздің бір бөлігіне айналды. Робот – соның айқын дәлелі. Референдумға онымен бірге келуді жөн санадым. Осылайша, адамдарға жақсы көңіл-күй сыйлағым келді. Дауыс берушілер қызығушылық танытып, жақын келіп тамашалап жатыр, – деді ол.
Учаскедегі ерекше «қонақ» есте қаларлық әсер сыйлады.
