Қарғалылық қаламгер бірінші болып дауыс берді

Жамбыл ауданының Қарғалы ауылындағы № 285 референдум учаскесінде дауыс беру белсенді өтіп жатыр. Аталған учаскеде алғашқы болып Жамбыл ауданының Құрметті азаматы, ауданның ақсақалдар кеңесі төрағасының орынбасары, Қазақстан Жазушылар одағының мүшесі Исмаилжан Иминов дауыс берді.
«Бұл референдум учаскесінде саяси науқан бірқалыпты өтіп жатқанын көрдім. Адамдар сабыр сақтап, белгіленген заң тәртібіне сәйкес өз таңдауларын жасауда. Ең алдымен мұнда келушілер салтанатты шараның куәсі болдық. Ашылуында мемлекеттік Гимн ойналып, ауыл ақсақалы бата берді. Көпшілік алдында мен сөз сөйлеп, бұл саяси шараның маңыздылығын айттым. Сосын алғашқы болып дауысымды бердім», дейді Қарғалы ауылында тұратын қос тілді қаламгер Исмаилжан Абдықадырұлы.
Серік САТЫБАЛДИЕВ
Жамбыл ауданы