Қонаев қаласындағы №943 учаске төрағасы Фариза Бақытжанқызы референдумда алғаш рет осындай жауапты жұмысты атқаруда. Ол референдум барысы қалай өтіп жатқанын баяндап, дауыс берушілердің белсенді екенін атап өтті.
– Референдум барлық заң қағидатына сай өтуде. Біздің басты міндетіміз – азаматтардың құқығы мен қауіпсіздігін қамтамасыз ету, дауыс беру процесін талапқа сай жүргізу, заңбұзушылыққа жол бермеу. Тұрғындарға дауыс беру тәртібін түсіндіріп, көмек көрсетіп жатырмыз. Халық еліміз үшін маңызды саяси науқанның мәнін түсініп, ағылып келуде. Әсіресе референдумға алғаш рет қатысып жатқан азаматтар өз таңдауына ерекше көңіл бөліп, қызығушылық танытуда. Комиссия мүшелері мен бақылаушылар өз міндетін ойдағыдай атқарып жатыр. Осындай маңызды сәтте қалыс қалмай, өз үлесімді қосқаныма қуаныштымын, – деді Фариза Бақытжанқызы.
