Табиғат – адамзатқа ортақ қазына. Оның тазалығы мен тұтастығын сақтау бүгінгі ұрпақтың ғана емес, келешек алдындағы жауапкершіліктің де бір бөлігі.
«Таза Қазақстан» бастамасы табиғатты қорғау мәдениетін қалыптастыруға жол ашып отыр. Көшет отырғызу, жасыл желекті күту, су көздерін ластамау және тұрмыстық қалдықтарды белгіленген орынға тастау сияқты қарапайым әрекеттердің өзі қоршаған ортаға оң әсер етеді.
Әсіресе табиғат аясында демалатын азаматтардың жауапкершілігі маңызды. Демалыстан кейін артында қоқыс қалдырмау, от жаққан жағдайда қауіпсіздік талаптарын сақтау және өсімдіктерге зиян келтірмеу – әр адамның міндеті.
Табиғатты қорғау үлкен бастамалардан ғана тұрмайды. Ол күнделікті әдеттен басталады. Қоршаған ортаға бүгін ұқыпты қарасақ, оның игілігін ертеңгі ұрпақ та көреді.
Сая ЕРБОЛАТҚЫЗЫ