Отбасындағы зорлық-зомбылық – жеке адамның ғана емес, бүкіл қоғамның назарын талап ететін мәселе. Күш көрсету, қорқыту, қорлау және психологиялық қысым адамның денсаулығы мен көңіл күйіне кері әсер етеді. Мұндай әрекеттерді отбасылық мәселе деп жасырып қалу жағдайдың одан әрі ушығуына әкелуі мүмкін. Әр азамат зорлық-зомбылықтың кез келген түріне бейжай қарамай, зардап шеккен адамға қауіпсіз жолмен көмек көрсетуге ұмтылғаны жөн. Қауіп төнген жағдайда полицияның 102 нөміріне хабарласуға болады. Алдын алу шаралары аясында тұрғындарға құқықтық кеңес беріп, қолдау қызметтері туралы ақпарат тарату маңызды. Зорлық-зомбылыққа төзбеу – адамның өмірі мен қадір-қасиетін қорғаудың негізгі қағидасы.
Ерзат АСЫЛ