Қонаев қаласында «Халық қатысатын бюджет» жобасы қалай жүзеге асуда?
Биыл Қонаев қаласында “Халық қатысатын бюджет” жобасына 480 млн 608 мың теңге бөлінді, деп хабарлайды Қонаев қаласы әкімдігінің баспасөз қызметі.
Ал былтыр 218 млн астам теңгеге бірнеше шағын аудандарда балалар алаңы мен футбол алаңын орнату, көшелерді жарықпен қамту секілді 7 жоба жүзеге асырылды.
Қазіргі таңда бюджет заңнамасына сәйкес, әкімдіктің ресми интернет-ресурсында жобалық ұсыныстарды қабылдау туралы ақпарат орналастырылған. Азаматтардан ұсыныс 1 наурызға дейін қабылданады.
Айта кетейік, “Халық қатысатын бюджет” жобасы 2020 жылдан бері жүзеге асырылып келеді. Мақсаты – жергілікті атқарушы органдардың оны қалыптастыру аясында жергілікті бюджет қаражатын бөлу кезінде халықтың белсенді қатысуын қамтамасыз ету. Нақтырақ айтқанда, тұрғындардың қаланы абаттандыруда жергілікті бюджет қаражатын бөлуге қатысуға мүмкіндігі бар.
