Алматы облысының орталығы Қонаев қаласында «Таза өлке» эконауқаны кең ауқымда өтіп жатыр. Бүгін қаладағы 800-ден астам бизнес нысандары өз аумақтарын тазалап, шаһар келбетінің көрікті болуына үлестерін қосты.
Олардың қатарында «Bagashar meken» ЖШС, «Acrylate» ЖШС, Құрама жем зауыты, «Қапшағай жылу» мекемесі, «Қапшағай өңірлік газ желілері» ЖШС, «Агрофит» ЖШС секілді ірі кәсіпорындар мен дәмханалар, мейрамханалар, дүңгіршектер мен дүкендер бар. Қызметкерлер тек өз аумақтарын тазартып қана қоймай, іргелес көшелерді де жинады. Жалпы, бүгін сенбілікке 2000-ға жуық адам қатысып, 116 қап қоқыс шығарылды.
Сондай-ақ кәсіпкерлер қала тұрғындарын үнемі тазалық сақтап, табиғатты күтіп ұстауға шақырды.
Қонаев қаласының әкімдігі
