Қазақстан сыртқы істер министрлігінің ресми өкілі Айбек Смадияров парламент мәжілісі мен мәслихат депутаттарын сайлау өтетін 19 наурыз күні 62 елде 77 дауыс беру учаскесі ашылатынын мәлім етті. Бұл туралы ол министрлікте өткен брифингте айтты.
Оның сөзінше, шет мемлекеттерде тұратын немесе жеке шаруасымен, қызмет бабымен, оқуда, туристік мақсатпен жүрген және жарамды төлқұжаты бар Қазақстан азаматтары дауыс беру үшін еліміздің дипломатиялық немесе консулдық өкілдігіне жүгіне алады.
Смадияров сайлау учаскелерінің байланыс деректері Сыртқы істер министрлігінің ресми сайтында жарияланатынын айтады.
Alatau News
